Дзюдо бўйича Доха шаҳри мезбонлик қилаётган Жаҳон чемпионатининг иккинчи кунида -52 кг вазн тоифасида курашган Диёра Келдиёрова кумуш медални қўлга киритди. Бу ҳақда Ўзбекистон МОҚ Матбуот хизмати хабар берди.
Ўзбекистонлик дзюдочи қиз финал беллашувида япониялик Ута Абега имкониятни бой берди. Бу Келдиёрованинг катталар ўртасидаги Жаҳон чемпионатларида қўлга киритган илк медали ҳисобланади. Шу билан бирга у жаҳон ва Париж-2024 Олимпиадаси учун ҳам қимматли рейтинг очкосини ўз ҳисобига ёзиб қўймоқда.
Эслатиб ўтамиз, кеча Дилшодбек Баратов (-60 кг) ҳам терма жамоа ҳисобига кумуш медални тақдим қилган эди.
