Жорий йилнинг 12 апрель куни Ўзбекистон ҳудудига қуруқ ва иссиқ ҳаво кириб келиши бошланади. Бу ҳақда Ўзгидромет хабар бермоқда.
Қайд этилишича, 13-14 апрель кунлари республика ҳудудининг катта қисмида кундузги ҳаво ҳарорати +30...+35 даражагача, шимолда, жанубда ва чўл ҳудудларда +37 даражагача кўтарилади.
12-14 апрелда республика ҳудуди бўйича баъзи жойларда шамол тезлиги 17-22 м/с.гача кучайиши, айрим жойларда чанг-тўзон билан кузатилиши кутилмоқда. 12-14 апрелда Қорақалпоғистонда, 13-14 апрелда Хоразм, Бухоро, Навоий, Тошкент, Сирдарё, Қашқадарё вилоятларининг баъзи жойларида шамол 25-28 м/с.гача кучайиши мумкин.