Аввалроқ, Самарқанд вилояти Каттақўрғон туманида парранда фабрикасида портлаш содир бўлгани ҳақида хабар бергандик. ФВВ ҳолат юзасидан маълумот берди.
Дастлабки ўрганиш натижаларига кўра, ҳодиса оқибатида вафот этганлар бўлмаган. 2 нафар фуқаро енгил тан жароҳати олиб, туман тиббиёт бирлашмасига жойлаштирилган.
Воқеа жойига ФВБ, ИИБ, ССБ, прокуратура ҳамда "Ҳудудгазтаъминот" масъул ходимлари чиқишган.
Ҳозирда воқеа сабаби ва зарар миқдори аниқланмоқда. Мазкур ҳолат юзасидан дастлабки тергов олди суриштирув ишлари олиб борилмоқда.