Бош прокуратура ҳузуридаги Иқтисодий жиноятларга қарши курашиш департаменти Ахборот хизматининг хабарига кўра, Департаментнинг Нурафшон шаҳар бўлими томонидан Тошкент вилояти ДХХ бошқармаси ва ИИБ ходимлари билан ҳамкорликда тезкор тадбир ўтказилган.
Тадбир давомида фуқаро А.У.га тегишли "Ойбек" МФЙдаги нотурар бино кўздан кечирилганида, хорижий давлат фуқароси Й.С. ва фуқаро Б.Р. ушбу бинода 127 та тўпламдаги майнинг крипто-активлари қурилмаларини умумий фойдаланишдаги электр тармоғига ўзбошимчалик билан улаб олганлиги аниқланган. Улар электр энергияси ва табиий газдан ноқонуний фойдаланиши натижасида давлат ва жамият манфаатларига 1,5 млрд сўм зарар етказган.
Мазкур ҳолат юзасидан ЖКнинг 169-моддаси (ўғрилик) ва 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят иши қўзғатилиб, тергов ҳаракатлари ўтказилмоқда.