Жорий йилнинг январь ойи охирида Нукус шаҳридаги 4 қаватли уйда газ портлаши оқибатида вайроналар остидан олиб чиқилган 5 ёшли Тирнакова Элвира шу йилнинг 8 март куни касалхонада вафот этди, дея хабар берди Kruz.uz.
Аниқланишича, қизча юрак ва ўткир нафас етишмовчилиги туфайли вафот этди.
Қайд этилишича, портлаш натижасида қизнинг отаси онаси, хотини ва икки фарзандидан айрилган.
Эслатиб ўтамиз, шу йилнинг 29 январь куни соат 16:15 атрофида Нукус шаҳридаги Темир йўл маҳалласидаги 4 қаватли уйнинг юқори қаватидаги хонадонлардан бирида газ-ҳаво аралашмаси пайдо бўлган, натижада шундан қурилиш конструкцияси қисман шикастланган.
Портлаш оқибатида беш киши ҳалок бўлган. Уч нафар жабрланувчи шифохонага ётқизилган, улардан бири 5 ёшли Тирнакова Элвира турли даражадаги тан жароҳатлари олган.
