Uzbekistan Airways АЖ ягона акционери — Президент ҳузуридаги Стратегик ислоҳотлар агентлиги қарорига кўра, жорий йилнинг 10 март куни Uzbekistan Airways АЖ Бошқарув раиси этиб Худайқулов Шуҳрат Шавкатович тайинланди. Бу ҳақда авиакомпания Матбуот хизмати хабар берди.
Шуҳрат Худайкулов 1984 йил 26 июль куни Урганч шаҳрида таваллуд топган. Санкт-Петербург давлат фуқаро авиацияси университетининг "Авиация ташувларини ташкил этиш" мутахассислигини тамомлаган. Шуҳрат Худайқулов 2006 йил "Ўзбекистон ҳаво йўллари" МАК жамоасига келиб қўшилган ва ўз фаолиятини "Тошкент" халқаро аэропортининг авиаташувларини ташкил этиш агенти сифатида бошлаган.
Шуҳрат Худайкулов шу кунга қадар Uzbekistan Airways АЖ'да тижорат ва туризм бўйича бошқарув раиси ўринбосари лавозимида фаолият юритиб келаётганди.