Жорий йилнинг март ойидан бошлаб мобил интернет тезлиги оширилади ва бутун мамлакат бўйлаб 5G технологияси жорий этилади, дея хабар берди «Ўзбектелеком» АК ахборот хизмати раҳбари Темур Мамажонов АОКАда ўтказилган брифингда.
"Мамлакат бўйлаб 3 000 дан ортиқ мавжуд таянч станцияси энг сўнгги технологиялар бўйича янгиланади ва 2 000 дан ортиқ янги таянч станцияси қурилиб, ишга туширилади.
Ўзбекистонда илк бор флагман смартфонлар, жумладан, iPhone эгалари 5G технологиясидаги мобил интернетдан фойдаланиш имкониятига эга бўлади", — дейилади хабарда.
Шунингдек, UZTELECOM Ўзбекистонда мазкур қурилмалар фойдаланувчиларига бешинчи авлод алоқа имкониятларидан фойдаланиш имконини берувчи биринчи оператор бўлади.