ИИВ ЙҲХББ Матбуот хизматининг хабарига кўра, 2023 йил 17 январь куни соат 21:00 ларда Жиззах шаҳар “Мустақиллик шоҳ” кўчасида Ankai русумли “Жиззах автотранс сервис” МЧЖга қарашли йўловчи ташувчи автобусни йўловчиларсиз бошқариб кетаётган ҳайдовчи А.Н. ҳаракат давомида чарчоқ аломати бўлиб, ухлаб қолган.
Оқибатда, рул бошқарувини йўқотиб “JizzaxPlasTex” корхонаси олдидаги автомобилларга ёқилғи қуйиш шохобчасида ўзи билан бир йўналишда олдинда навбат кутиб тўхтаб Damas’нинг орқа қисмига келиб урилган. Натижада, Damas ўнг томон четига чиқиб ағдарилиб кетган. Автобус ҳаракатини давом эттириб:
2 та Nexia-2, Nexia-3, Cobalt ва Lacetti автомобилларга, жами 7 та транспорт воситаларига тўқнашиб ЙТҲ содир этган.
ЙТҲ натижасида, Damas автомобили ҳайдовчиси, А.Қ.га биринчи тиббий ёрдам кўрсатилиб, амбулатор тартибда даволаниш учун яшаш манзилига юборилган.
Мазкур ЙТҲ юзасидан Жиззах вилояти ИИБ ЖХХ ЙҲХБ ходимлари томонидан суриштирув олиб борилмоқда.