Жорий йилнинг 11 январь куни Самара-Чимкент йўлининг 1153-километрида 41 йўловчиси бўлган автобус йўлда қолиб кетган, улардан 38 нафари Ўзбекистон фуқаролари. Бу ҳақда Қозоғистоннинг Aктобе вилояти Фавқулодда вазиятлар бошқармаси матбуот хизмати хабар берди.
Ноқулай об-ҳаво шароити туфайли йўл ёпилганлиги сабабли барча йўловчилар Ирғиз қишлоғидаги умумтаълим мактабига жойлаштирилди.
Шу куни 31 нафар Ўзбекистон фуқароси бўлган яна бир автобус Самара-Чимкент йўлининг 968-километрида Aйтекеби туманида қолиб кетган. Йўловчилар Қорабутоқ қишлоғидаги масжидга жойлаштирилди.
Вилоят Фавқулодда вазиятлар бошқармаси об-ҳаво шароити ёмонлашгани ва йўлларда автотранспорт воситаларининг ҳаракатланишига чеклов жорий этилганида фуқароларни йўлга чиқмасликка чақирди.
