Тошкент шаҳар ҳокимлиги Матбуот хизмати хабарига кўра, об-ҳаво ҳарорати кескин пасайгани сабабли, шаҳарнинг айрим ҳудудларида газ ва иссиқлик таъминотида узилишлар кузатилмоқда. Қайд этилишича, коммунал хизматлар мавжуд газ захирасини барча истеъмолчилар орасида тенг тақсимлашга уринишига қарамай, ресурслар етишмаяпти.
Иложи борича кўпроқ хонадонларни газ ва иссиқлик билан таъминлаш мақсадида, жамоат транспорт воситаларига хизмат кўрсатадиган шоҳобчалардан ташқари, қолган барча автомобилларга газ қуйиш шоҳобчалари вақтинчалик ёпилмоқда.