Ўзбекистон Ташқи ишлар вазирлиги 2022 йил 30 ноябрь куни Афғонистоннинг Саманган провинсияси Айбак шаҳрида содир этилган террорчилик хуружини кескин қоралайди. “Жиҳодия” мадрасасида амалга оширилган қабиҳ ҳаракат кўплаб инсонларнинг, асосан ёш талабаларнинг қурбон бўлишига олиб келди.
“Яна бир бор шуни маълум қиламизки, бундай зўравонлик ҳаракатлари кескинликнинг кучайишига сабаб бўлиб, Афғонистонда барқарор ва узоқ муддатли тинчлик ўрнатишга, шунингдек, миллий келишувга эришишга тўсқинлик қилади.
Ҳалок бўлганларнинг оила аъзолари ва яқинларига самимий ҳамдардлик билдирамиз, жароҳатланганларнинг тез фурсатларда соғайиб кетишини тилаймиз”, - дейилади ТИВ баёнотида.
Маълумот учун, портлаш натижасида 35 киши ҳалок бўлган, 23 киши жароҳатланган.