Аввалроқ, Тошкентнинг Яккасарой туманида аёл эри томонидан мунтазам равишда калтаклаб келинаётгани сабаб эрга нисбатан жиноят иши қўзғатилганди ҳамда у қамоққа олинганди.
Ижтимоий тармоқда мазкур эркак Д.Д. қўйиб юборилгани ҳақида хабарлар тарқалди. Тошкент шаҳар ИИББ Матбуот хизмати ҳолатга изоҳ берди.
Маълум қилинишича, жиноят ишини тергов қилиш жараёнида Д.Д.нинг адвокати томонидан илтимоснома киритилиб, унда Д.Д.нинг қарамоғида уч нафар вояга етмаган фарзанди, қари ота-онаси борлигини ва оилада ягона боқувчи эканлигини инобатга олиб қамоққа олиш эҳтиёт чорасини енгилроқ эҳтиёт чорасига ўзгартиришни сўраган.
Шундан сўнг, Д.Д.га нисбатан қўлланилган қамоққа олиш эҳтиёт чораси уй қамоғига ўзгартирилган.
Ҳозирда тергов ҳаракатлари давом этмоқда. Томонларнинг билдирган барча важлари тўлиқ текширилиб, натижаси бўйича қонуний қарор қабул қилиниши таъминланади.