"Фуқароларнинг давлат пенсия таъминоти тўғрисида"ги қонунга пенсия тайинлаш, жумладан, ногиронлиги бўлган шахсларнинг даромадларини ошириш тартибини такомиллаштиришга қаратилган ўзгартиш ва қўшимчалар киритилди.
Шундай қилиб, 2023 йил 1 январдан бошлаб I ва II гуруҳ ногиронлик пенсияси тайинлангандан кейин ишлаган вақт иш стажига ҳисобланади.
Бундан ташқари, янги йилдан бошлаб фуқароларнинг илтимосига биноан пенсия ҳар икки йилда бир марта, агар мавжуд бўлса, I ва II гуруҳ ногиронлиги пенсияси тайинлангандан кейин олинган иш стажини ва иш ҳақини ҳисобга олган ҳолда қайта ҳисоблаб чиқилади.
Бундай ҳолда, пенсияни қайта ҳисоблаш пенсия ёшига нисбатан талаб қилинадиган иш стажидан келиб чиққан ҳолда амалга оширилади.
Aввал хабар берганимиздек, ўзгартиришлар қабул қилиниши билан 1994-2022 йилларда иш стажига эга бўлган 75 минг нафар ногироннинг пенсиясига ўртача 300 минг сўм қўшилади. Келгусида иш стажи ва ойлик маошидан келиб чиқиб, ишлаётганларнинг пенсиялари ҳар 2 йилда қайта ҳисоблаб чиқилади.