Ўзбекистон Бош прокуратураси, Ички ишлар вазирлиги ва Давлат хавфсизлик хизмати ҳуқуқ-тартибот идоралари вакиллари 17-21 октябрь кунлари Тошкентда Европада хавфсизлик ва ҳамкорлик ташкилотининг криптовалюталар ва Darknet тармоғидан фойдаланган ҳолда содир этилган жиноятларни тергов қилиш масалалари бўйича ўқув курсларида қатнашди. Бу ҳақда ЕХҲТ Матбуот хизмати хабар бермоқда.
Тренинг дастури кибержиноятчилик соҳасида таълим ва ўқитиш бўйича Европа гуруҳи (ECTEG) томонидан ишлаб чиқилган материалларга асосланган бўлиб, соҳа мутахассислари учун тармоқлараро ҳамкорлик, анонимлик ва рақамлаштириш, Darknet ва Tor тармоғида рақамли далилларни излаш ва олиб қўйиш усуллари соҳасидаги асосий концепциялар ва муҳим тенденцияларга оид бир қатор долзарб масалаларни ўз ичига олади.
Тренинг иштирокчилари амалий машғулотлар давомида криптовалюталарни олиб қўйиш, блокчейн технологиясининг ишлашини таҳлил қилиш ва Darknet тармоғида рақамли изларни қидириш бўйича ёндашув ва усулларни ишлаб чиқдилар.
“Aкадемиямиз Ўзбекистондаги жиноий ҳуқуқ субъектлари учун кибержиноятчиликка қарши таълим бўйича етакчи институт бўлишга интилади”, - дейди Aкадемия раҳбари Евгений Коленко.
