Поиск
RUUZ

Политика

Ўзбекистон-Туркманистон ўртасида Стратегик шерикликни чуқурлаштириш тўғрисидаги декларация имзоланди

Шавкат Мирзиёевнинг Туркманистонга ташрифи доирасида икки мамлакат ўртасидаги ҳамкорликни кенгайтириш учун 13 та ҳужжатга қўл қўйилди.

36views0replies
0

president.uz

Икки давлат ўртасидаги музокаралар якунида ҳужжатларни имзолаш ва алмашиш маросими бўлиб ўтди.
Икки давлат раҳбарлари Шавкат Мирзиёев ва Сердар Бердимуҳамедов Стратегик шерикликни чуқурлаштириш тўғрисидаги декларацияни имзоладилар, дея хабар бермоқда президент матбуот хизмати.
Бундан ташқари, икки мамлакат ҳукуматлари, вазирлик ва идоралари даражасида кўп қиррали Ўзбекистон-Туркманистон ҳамкорлигини кенгайтиришга қаратилган қатор ҳужжатлар, шу жумладан:
- Ўзбекистон Республикаси ва Туркманистон ўртасида сиёсий мулоқот, парламентлараро, савдо-иқтисодий ҳамкорлик, маданий-гуманитар алмашинувни фаоллаштириш бўйича 2022-2024 йилларга мўлжалланган Амалий ҳаракатлар режаси;
- Икки томонлама ташқи иқтисодий муносабатларни янада ривожлантириш тўғрисида битим;
- Ўзбекистон Республикаси ва Туркманистон ҳудудларида савдо уйлари фаолиятини тартибга солиш тўғрисида битим;
- Илмий-техник ҳамкорлик тўғрисида битим;
- Қишлоқ хўжалиги соҳасидаги ҳамкорликни янада кенгайтириш бўйича Амалий чора-тадбирлар режаси;
- Дори воситалари ва тиббиёт буюмларини рўйхатга олиш тўғрисида битим имзоланди.
Шунингдек, электр энерегетикаси, божхона иши, ветеринария ва чорвачилик, кинематография ва бошқа йўналишлар юзасидан келишувларга эришилди.
36views0replies
0

Комментарии