Тошкент шаҳрида уй-жой ижараси ўртача 1 миллион сўмни ташкил этади, деб хабар бермоқда Давлат солиқ қўмитаси матбуот хизмати.
Қўмита, шунингдек, 2022 йил 1 январдан бошлаб жисмоний шахслар “E-ijara” хизмати орқали кўчмас мулкни ижарага бериш ёки текин фойдаланиш шартномаларини солиқ органларида рўйхатдан ўтказишлари шартлигини эслатиб ўтди.
2022 йил 1 октябрь ҳолатига кўра, солиқ органларида 96 мингдан ортиқ турар жой ижара шартномаси рўйхатга олинган.
Мавжуд маълумотлар таҳлили шуни кўрсатдики, Тошкент шаҳрида уй-жой ижараси ўртача ойлик 1 миллион сўмдан сал кўпроқни ташкил қилади. Ҳудудларда ижара ҳақининг ўртача миқдори 630 минг сўмдан 977 минг сўмгача ўзгариб туради.
Республикада ижарага берилган турар-жой объектлари:
— 2 миллион сўмдан 5 миллион сўмгача бўлган нархда — 3240 та турар-жой объекти;
— 5 млн сўмдан ортиқ — 255 та турар-жой объектлари.
Солиқ солиш мақсадида 2022 йилда мулкни ижарага берувчи жисмоний шахслар учун 1 кв. метр яшаш майдони:
- Тошкент шаҳрида – 15 500 сўм;
- Нукус ва вилоят марказларида – 9500 сўм;
- бошқа аҳоли пунктларида - 4 000 сўм.
Қўмитанинг таъкидлашича, мулкни ижарага беришдан олинган даромадлар мулкдан олинадиган даромадга киритилади ва 12% ставкада жисмоний шахслардан олинадиган даромад солиғи ундирилади. Фақат талабаларга уй-жойни ижарага берганлар даромад солиғини тўламайди.
Эслатиб ўтамиз, аввалроқ Aдлия вазирлиги хорижликлар оқими туфайли ижарачиларни уй эгалари томонидан мажбуран чиқариб юбориш ҳолатлари кўпайиб бораётганига муносабат билдирган эди.
