6 март куни “Пахтакор” жамоаси Самарқандда кечган учрашувда Драган Чераннинг ягона голи эвазига “Насаф”дан устун келди.
Ушбу учрашув жорий йил январида клуб бош мураббийига айланган голландиялик мутахассис Питер Хюистранинг илк расмий ўйини бўлди.
“Пахтакор” Ўзбекистон Суперкубогида илк бор зафар қучиб, ўзининг ички мусобақалардаги 28-совринини қўлга киритди.
Эслатиб ўтамиз, Ўзбекистон Суперкубоги бир ўйиндан иборат бўлиб, унда Ўзбекистон Кубоги ва Ўзбекистон Суперлигасининг амалдаги ғолиблари беллашади. Агарда иккала мусобақанинг ғолиби бир клуб бўлса, Суперлигада 2-ўринни олган жамоа қатнашади.
Мусобақа 2000 - 2013, 2017, 2018 ва 2020 йилларда турли сабабларга кўра ўтказилмаган.
