Бугун, 22 сентябрь куни Нурафшон шаҳрида Шавкат Мирзиёев иштирокида Халқ депутатлари Тошкент вилояти кенгашининг сессияси бўлиб ўтмоқда. Бу ҳақда Президент матбуот котиби Шерзод Асадов хабар бермоқда.
Сессияда Тошкент вилоятига ҳоким тайинлаш бўйича ташкилий масала кўриб чиқилмоқда. Президент 2021 йил ноябрь ойидан буён Тошкент вилояти ҳокими вазифасини бажариб келаётган Мирзаев Зойир Тоирович номзодини вилоят ҳокими лавозимига тавсия этди.
Депутатлар Зойир Мирзаев номзодини маъқуллашди.
Эслатиб ўтамиз, 2021 йил ноябрь ойида Қашқадарё вилояти ҳокими вазифасида ишлаб келган Зойир Мирзаев Тошкент вилояти ҳокими вазифасини бажарувчи этиб тайинланганди.