Тошкент вилояти ИИББ Ахборот хизмати хабарига кўра, Чирчиқ шаҳар ИИБ ходимлари томонидан “Гулноза” исмли шахс (Чирчиқда яшовчи 1979 йилда туғилган Г.М.) Instagram орқали “массаж салон” эълони ниқоби остида фоҳишалик билан шуғулланувчи шахсларга мижоз топиб, қўшмачилик билан шуғулланиб келаётганлиги аниқланган.
Г.М. 1993 йилда туғилган У.Н. ва 1987 йилда туғилган А.Н.ларга жинсий алоқа қилишлари учун мижоз топиб, бунинг эвазига 350 минг сўм, фоҳишалик билан шуғулланувчи икки шахс эса мижоздан 800 минг сўм миқдоридаги пулларни олаётган вақтида ушланган.
Тадбир давомида ушланган шахслардан 1 млн 150 минг сўм миқдоридаги пуллар холислар иштирокида далилий ашё сифатида олинган. Ҳозирда ҳолат бўйича қўшимча суруштирув ишлари олиб борилмоқда.