Андижон машинасозлик институтининг “Логистика” йўналиши 2-босқич талабаси ўз жонига қасд қилди. Бу ҳақда UzNews.uz’га бош прокуратура матбуот котиби Ҳаёт Шамсутдинов хабар берди.
Аниқланишича, жорий йилнинг 5 август куни Тошкент вилояти Бўка туманида 1999 йилда туғилган Қ.Д. Андижон машинасозлик институти талабалар ётоқхонасига бир ўзи келиб, тунаб қолиб эртаси куни соат 09:30 ларда ётоқхонанинг ҳожатхонаси эшигига кабел симидан сиртмоқ ясаб, ўзини осиб ўз жонига қасд қилган.
Д.Қ.нинг ўз жонига қасд қилганлиги ҳолати бўйича ўлим сабабини аниқлаш юзасидан судга оид тиббий ҳамда суд-биологик экспертизаси тайинланган.
Шаҳар прокуратураси томонидан марҳумнинг ўз жонига қасд қилиши сабаблари аниқланмоқда. Терговга қадар текширув ҳаракатлари давом эттирилмоқда.