Поиск
RUUZ

Общество

“Қашқадарёда вафот этган болаларнинг касаллиги маълум, аммо тиббиёт этикасига кўра маълум қилинмаяпти” — вилоят ССБ вакили

Қашқадарё вилояти соғлиқни сақлаш бошқармаси матбуот хизмати раҳбари Нуриддин Эгамов UzNews.uz мухбири билан суҳбатда вафот этган болалар, шунингдек, ташхис қўйиш учун қайси мутахассислар таклиф қилингани ҳақида гапириб берди.

513views0replies
0

UzNews.uz

Эслатиб ўтамиз, Ғузор туманида икки нафар вояга етмаган бола ҳалок бўлган. 4 ёшли боланинг клиник ўлими 20 июнь куни соат 10:35 да қайд этилган. Бугун, 24 июнь куни соат 04:00 да унинг 6 ёшли амакиваччаси вафот этди.
“Ижтимоий тармоқларда болалар номаълум касалликдан вафот этгани ҳақида маълумотлар тарқалмоқда. Аммо бу нотўғри. Ташхис белгиланади. Бола касалхонага ётқизилганидан кейин бир соат ичида вафот этган, шунинг учун аниқ ташхис қўйишга улгурилмаган. Аммо амакиваччаси касалхонага оғир аҳволда тушганида Қаршидан энг яхши мутахассислар – инфексионист, токсиколог, болалар реаниматологи юборилган.
Бундан ташқари, Самарқанддан тажрибали болалар реаниматологи профессор Ҳамраев таклиф этилди. Маслаҳатлашув пайтида ташхис қўйилди, аммо тиббий этикага кўра, биз буни ошкор қилишга ҳаққимиз йўқ. Ҳозирда Соғлиқни сақлаш вазирлиги, шунингдек, прокуратура томонидан тузилган бригада ушбу воқеани ўрганмоқда”, - деди Нуриддин Эгамов.
Матбуот хизмати раҳбари, шунингдек, болаларда иситма ва бошқа совуқ аломатлари борлигини айтди. Бироқ, у бу COVID-19 билан боғлиқ эмаслигини таъкидлади.
513views0replies
0

Комментарии