Ўзгидромет хабарига кўра, бугун, 24 июнь куни кўпчилик вилоятларда кундузи термометр устуни +36...+39 даражага етади. Шимолда, жанубда ва чўл ҳудудларда +40...+42 даража бўлади.
Эртадан бошлаб Ўзбекистон ҳудудига Туркманистондан жуда иссиқ ва қуруқ ҳаво кириб келиши бошланади. Эртага ҳаво ҳарорати кечаси +21...+24 даража, кундузи +36...+39 атрофида, шимолда, жанубда ва чўл ҳудудларда +42...+44 даражагача бўлади. Якшанба куни ҳарорат фони кечаси +23...+26 даражагача, кундузи +38...+42 даражагача, шимолда, жанубда ва чўл ҳудудларда баъзи жойларда +43...+45 даражагача кўтарилади.
Aйрим тоғли ҳудудларда қисқа муддатли ёмғир ёғиши, момақалдироқ бўлиши мумкин, баъзи жойларда сел-сув тошқин ҳодисалари юзага келиши мумкин.