Ижтимоий тармоқларда Чорвоқ сув омбори юзасида чиқинди сузиб юргани акс этган видео тарқалди. Тошкент вилояти Экология ва атроф-муҳитни муҳофаза қилиш бошқармаси ходимлари ушбу ҳолатни ўрганди.
Ўрганишлар натижасида, сўнгги кунларда ёғган кучли ёмғир натижасида Чорвоқ сув омбори ҳавзаси ва юза қисмига ҳар хил турдаги чиқиндилар йиғилиб қолганлиги аниқланди.
Ҳозирда мазкур сув омборидаги чиқиндилар махсус техника ва қайиқлар ёрдамида тегишли тартибда бартараф этилмоқда.
