Жорий йилнинг 9 июндан 10 июнь кунига ўтар кечаси ФВВ, ИИВ ҳамда "Тошкент метрополитени" ДУК ҳамкорлигида метрополитен бекатларида махсус ўқув машғулоти ўтказилди.
Ушбу машғулот ташкил этилишидан асосий кўзланган мақсад, метрода фавқулодда содир бўлиши мумкин бўлган ҳолатларда қай тартибда йўл тутиш, йўловчилар хавфсизлигини таъминлашдаги билимларни янада мустаҳкамлашдан иборат, дея хабар берди "Тошкент метрополитени" ДУК Ахборот хизмати.
Эслатиб ўтамиз, Тошкент вилояти ва Тошкент шаҳри ҳудудларида фавқулодда вазиятларнинг олдини олиш ва бундай ҳолатларда ҳаракат қилиш бўйича ўқув машқлари ўтказилиши ва фуқаролардан ўқув машқларини ўтказиш давридаги амалий жараёнларга оид материалларни нотўғри талқин қилмаслик сўралгани ҳақида хабар берилган эди.
