Наманган вилояти ИИБ Ахборот хизматининг маълум қилишича, 21 март куни соат 11:40 ларда, Наманган шаҳар Давлатобод туманида Ровустон бекатидан Наманган бекатига ҳаракатланиб кетаётган Қўқон локоматив депоси машинисти 2002 йилда туғилган фуқарони уриб юборган.
19 ёшли фуқаро ҳодиса вақтида кулоқчиндан фойдаланган ҳолда темир йўл изидан кетаётган бўлган.
Оқибатда, фуқаро бош мия лат ейиши, жағ суягини синиши, ўнг қўли лат ейиши ташхиси билан РШТЁИМ Наманган филиалига ётқизилган.
Ушбу ҳолат бўйича Наманган вилоят ИИБ Транспортда ХТБ ТГ томонидан суриштирув ҳаракатлари олиб борилмоқда.