Маълумот берилишича, яқин кунлар ичида БМТнинг Қочқинлар идораси Афғонистонга гуманитар ёрдам юборишни режалаштирмоқда.
Режага кўра, учта самолётдаги ёрдам дастлаб, Термиз шаҳрига юборилиб, юк машиналарида Ҳайратон чегара пункти орқали Мозори-Шарифга олиб ўтилиши мумкин. Мазкур самолётнинг биринчиси октябрь ойининг ўрталарида Термизга етиб келади.
Шунингдек, Бирлашган Миллатлар Ташкилоти бугунги кунда афғон оилаларининг атиги беш фоизи етарли миқдорда озиқ-овқат билан таъминланганидан огоҳлантирмоқда.
