Россиянинг Кемерово вилоятида икки двигателли L-410 самолёти қулаб тушиши натижасида тўрт киши ҳалок бўлди. Бу ҳақда Сибир авиация қидирув-қутқарув марказига таяниб Kommersant.ru нашри хабар бермоқда.
Маълум бўлишича,19 июнь куни Кемерово вилоятида икки двигателли L-410 самолёти учиш вақтида қулаб тушган. Натижада, самолёт бортида бўлган тўрт нафар инсон ҳалок бўлган. Шунингдек, яна саккиз киши жароҳат олган.
“L-410 самолёти Танай аэродромидан учиб чиқиб, чап тoмони билан қулади. Самолётда 17 нафар парашютчи бўлган.Уларнинг тўрт нафари ҳалок бўлиб, саккиз нафари яраланган“, - деган ТАСС қидирув-қутқарув маркази.
Қайд этилишича, ҳалокатга двигателнинг ишдан чиқиши сабаб бўлган.
