Поиск
RUUZ

Общество

Газлида дизель ёқилғисини ўғирламоқчи бўлганликда гумон қилинган фуқаро ушланди

«Ҳожиказган-Қумли-Чақақум» газоконденсат қувурлари автойўналиши атрофида Миллий гвардия қўриқлаш хизмати ходимлари билан ҳамкорликда тезкор тадбир ўтказилди.

166views0replies
0

Жорий йилнинг 17 октябрь куни тахминан соат 23:00да «Ўзбекнефтгаз» АЖ Газли нефть ва газ қазиб чиқариш бошқармасига қарашли «Ҳожиказган-Қумли-Чақақум» газоконденсат қувурлари автойўналиши атрофида Миллий гвардия қўриқлаш хизмати ходимлари билан ҳамкорликда навбатдаги тезкор тадбир ўтказилган.
Тадбир давомида Миллий гвардия қўриқлаш хизмати ходимлари томонидан давлат рақам мавжуд бўлмаган УАЗ русумли автотранспорт воситаси тўхтатиб текширилган.
Автотранспорт юкхонасида бўлган ҳар бирининг ҳажми 60 литрни ташкил қиладиган 24 дона бўш елим бочка холислар иштирокида расмийлаштириб олинган.
Дастлабки ўрганиш натижаларига кўра, ҳайдовчи Бухоро вилояти Қоракўл тумани, Зиёрат МФЙ, Зиёрат қишлоғида яшовчи фуқаро Абдужаббор Авезов ҳеч қандай ҳужжатларсиз автомашинани бошқариб келгани аниқланган.
Елим бочкалар эса бурғилаш ишлари олиб борилаётган участкалардан дизель ёқилғисини олиб кетиш мақсадида келтирилганлиги айтилмоқда.
Ҳозирда Ўзбекистон Миллий гвардияси ҳарбий хизматчилари томонидан барча ҳужжатлар расмийлаштирилиб, суриштирув ишлари олиб борилмоқда.
«Ўзбекнефтгаз» АЖ Матбуот хизмати
166views0replies
0

Комментарии