АОКАда “Тошкент метрополитени” ДУК мутасаддилари иштирокида брифинг ташкил қилинди.
Унда қайд этилишича, йил охиригача Тошкент метрополитени учун 5 та, 2022 йилда 14 та тўрт вагонли метро поездлари харид қилинади ва поездларнинг сони 80 тага етказилади.
Шунингдек, замонавий реклама воситалари (электрон дисплей) ўрнатилиши ҳисобига рекламалар сони 3-4 баробарга оширилади. Ер ости ва ер усти метро бекатларида савдо ва хизмат кўрсатиш майдончалари ташкил этилади ва тадбиркорларга электрон аукцион шартларида ижарага берилади.
Таъкидланишича, 2021 йил 1 сентябрдан Чилонзор йўналиши 3 дақиқа ва Ўзбекистон йўналиши бўйича биринчи марта 4 дақиқада ишлаш ташкил қилиниши эвазига йўловчиларни манзилга етказиш вақти 30 фоизга қисқартирилди.