ИИББнинг хабарига кўра, 9 октябрдан 10 октябрга ўтар кечаси номаълум шахслар банкларнинг бирининг банкоматини очиб, ундан ичида 396 300 000 сўм бўлган учта қутини олиб кетган. Ҳодиса Олмазор туманида содир бўлган.
Мазкур ҳолат юзасидан ЎзР ЖКнинг 169-моддаси (Ўғрилик) билан жиноят иши қўзғатилган.
Тошкент шаҳар ИИББ жиноят қидирув ходимлари томонидан кўрилган чоралар натижасида гумонланувчилар – 25 ёшли А.А., 28 ёшли М.А., 26 ёшли У.А. ва 25 ёшли М.М.лар қўлга олинган.
Ҳозирда тергов ишлари давом этмоқда.