Қашқадарё вилояти ИИБ Ахборот хизмати хабарига кўра, вояга етмаган П.С. 24 июль куни соат 16:30 ларда, Қарши шаҳар, Мустақиллик кўчасида жойлашган “Шарқ” супермаркетида сотувчи бўлиб ишловчи Д.С.нинг олдига келиб, уни ҳақорат қилган.
Шу вақтда П.С. уни тинчлантирмоқчи бўлган супермаркет қўриқчиси Х.Ж.га аралашмаслигини айтиб, ўзи билан олиб юрган ошхона пичоғи билан тан жароҳати етказмоқчи бўлган. Аммо П.С.ни супермаркет ишчилари тўхтатиб қолган.
Ҳолат бўйича Жиноят кодексининг 277-моддаси 3-қисми “г” банди билан жиноят иши қўзғатилиб, дастлабки тергов олиб борилмоқда.
