Фарғона вилояти Қўқон шаҳрида 5 та уй ёнди. Бу ҳақда вилоят ФВБ Матбуот хизмати маълум қилди.
Фарғона вилояти Қўқон шаҳар Омонлик кўчасидаги 19-уйда ёнғин содир бўлди. Натижада, уйнинг 80 квадрат метр майдонидаги том қисми ёнган.
Ёнғин қўшни хонадонларга ҳам тарқалиб, шу кўчадаги 21-уйининг 75 квадрат метр майдонидаги ички ва том қисми ёнган.
Шунингдек, ёнғин Байналмилал жангчилар кўчасига ҳам ўтиб, 20-уйнинг 30 квадрат метр майдонидаги том қисми, 22-уйнинг 85 квадрат метр майдонидаги ички ва том қисми ва 24-уйнинг 30 квадрат метр майдонидаги ички ва том қисмини зарарлаган.