Ҳукумат қарори билан жорий йил 1 сентябрдан ҳайдовчилардан автомототранспортни бошқариш учун ишончнома (нотариал тартибда тасдиқланган), техник кўрикдан ўтказилганлиги тўғрисидаги маълумот, автотранспорт воситалари ойналарининг тусини ўзгартиришга (қорайтиришга) рухсатнома электрон шаклга ўтказиш орқали мазкур ҳужжатларни ҳайдовчидан талаб этиш тартиби бекор қилинади.
Адлия вазирлиги Матбуот хизмати ҳайдовчилардан ишончноманинг сўралмаслиги, ишончнома расмийлаштирмаслик мумкинлигини англатмаслигини маълум қилди.
“Ҳайдовчилар худди аввалгидек, ишончномани нотариус орқали расмийлаштиради, фақат ишончномани ёнида олиб юрмаса ҳам бўлади. Чунки 2021 йил 1 сентябрдан ишончномаларни ЙПХ ходимлари электрон тизим орқали мустақил текширади”, - дейилади хабарда.