Навоий вилояти Кармана туманида республикадаги илк қуёш фотоэлектр станцияси ишга туширилди.
Мазкур мажмуа қурилиши ўтган йили бошланган бўлиб, 110 млн доллар инвестиция ўзлаштирилган ва 300 мингта қуёш панеллари ўрнатилган. Унинг қуввати 100 мегаВатт.
— Ушбу станция янги Ўзбекистон энергетика тизимида биринчи улкан қадам, таъбир жоиз бўлса, “биринчи қалдирғоч” бўлиб, соҳа ривожида мутлақо янги даврни бошлаб бермоқда. Бу ерда йилига 252 миллион килоВатт-соат электр энергияси ишлаб чиқарилади. Бунинг ҳисобидан 80 млн куб метр табиий газ тежалиб, атмосферага 160 минг тонна буғланувчи газлар чиқишининг олди олинади, - деди Шавкат Мирзиёев.
Nur Navoiy solar номли ушбу лойиҳа БААнинг “Масдар” компанияси томонидан амалга оширилди. Бу станцияда ишлаб чиқариладиган энергия нархи арзонроқ - 1 килоВатт соат учун 2,67 АҚШ центни ташкил қилади.
