Андижон шаҳридаги Заҳириддин Муҳаммад Бобур номли майдонда Токио-2020 ёзги Паралимпия ўйинлари иштирокчилари ва ғолибини тақдирлашга бағишланган тадбир бўлиб ўтди.
Тадбирда Андижон вилояти ҳокими Шуҳратбек Абдураҳмонов Паралимпиада рекордчиси, андижонлик Бобуржон Омоновга Андижон шаҳридаги 16 қаватли янги уйнинг 2 хонали квартираси калитини тантанали равишда топширди.
Маълумот учун, спортчи ядро улоқтириш бўйича Токио-2020 ёзги Паралимпия рекордини янгиланди.
Эслатиб ўтамиз, олдинроқ, Паралимпия совриндорларига автомобиль, хонадон ва мукофот пуллари топширилгани ҳақида хабар бергандик.