Ўзбекистонликлар орасида соғлом турмуш тарзини тарғиб этишга хизмат қилувчи "Соғлом турмуш тарзи" (1hls.uz) платформасида август ойи якунларига кўра ғолиблар аниқланди. Бу ҳақда Туризм ва спорт вазирлиги Матбуот хизмати хабар берди.
Жорий йилнинг август ойида республика бўйича туманлар кесимида 203 та ғолиб аниқланди.
Ушбу ой якунларига кўра ғолиблик яна Тошкент шаҳри вакилига насиб этди. Яшнобод туманида истиқомат қилувчи 34 ёшли Тоиров Улуғбек ўтган ой давомида республика бўйича энг кўп, яъни 2 млн 192 минг 99 қадам босиб ўтган. У туман ва шаҳар босқичларида ҳам энг кўп юрган инсон сифатида умумий миқдорда 1 млн 800 минг сўм маблағга эга бўлди.
Август ойи якунларига кўра, туман, ҳудуд ва республика миқёсидаги ғолибларга умумий ҳисобда 68 млн 900 минг сўм маблағ тўлаб берилган.