Бугун, 17 сентябрь куни Тожикистон пойтахтида ШҲТга аъзо давлатлар раҳбарларининг йиғилиши бўлмоқда.
Учрашувда Ўзбекистон президенти Шавкат Мирзиёев, Хитой раиси Си Цзинпин ва Ҳиндистон бош вазири Нарендра Моди ва бошқа давлатлар раҳбарлари шахсан иштирок этишмоқда.
Йиғилишда Шавкат Мирзиёев нутқ сўзлаб, хорижий банклардаги Афғонистоннинг давлат активларига қўйилган музлатишни бекор қилиш таклифини берди.
Шунингдек, кун тартибида бир нечта масалалар бор, давлат раҳбарлари 20 йиллик юбилейини нишонлаётган ШҲТ фаолиятини ҳамда халқаро майдондаги воқеаларни ҳам муҳокама қилади.
Энг долзарб муаммолар орасида COVID-19 пандемияси ва Афғонистон инқирози бор.
