Аввалроқ, Ангрен шаҳрида бир неча фуқаро 14 ёшли қизга нисбатан зўравонлик содир этгани ҳақида хабар берган эдик. Тарқалган хабарларга кўра, шафқатсиз ҳодиса болалар шифохонаси шифокорлари томонидан аниқланган жароҳатлар ҳақида ҳуқуқ-тартибот идораларига хабар бериш орқали маълум бўлган.
Кейинроқ ижтимоий тармоқларда Ангрен шаҳар прокуратураси қизалоқнинг оғир аҳволи ҳақида биринчи бўлиб хабар берган реаниматологга нисбатан унинг шахсий маълумотларини ошкор қилгани учун жиноят иши қўзғатмоқчи экани ҳақида хабар тарқалди.
Бош прокуратура ушбу хабарларни рад этди.
"Мазкур хабарлар мутлақо асоссиз бўлиб, ҳақиқатга тўғри келмаслигини маълум қиламиз", - дейилади Бош прокуратура хабарида.
Комментарии