Нью-Йоркда қассоблик чопқисини кўтарган эркак тўрт нафар болага ҳужум қилди. Полицияни жабрланган 11 ёшли қизалоқ чақирган, у хонага яширинишга муваффақ бўлган. Унинг айтишича, эркак унинг ака-ука ва опа-сингилларини ўлдирмоқчи бўлган. Бу ҳақда New York Post нашри хабар берди.
Чақирув бўйича етиб келган полициячилар болаларга ҳужум қилганликда гумон қилинган эркакни қўлга олишга уринган, бироқ эркак полициячиларнинг талабларини бажармаган. Оқибатда ҳуқуқ-тартибот идоралари ходимлари унга қарата етти марта ўқ узишга мажбур бўлган.
"Оғир аҳволда гумонланувчи касалхонага етказилди. Тўрт нафар бола ҳам жиддий жароҳат олган: улар 8 ёшдан 16 ёшгача бўлган қизлар," - дейилади хабарда.
Нашрнинг ёзишича, ўша пайтда болаларнинг ота-оналари уйда бўлмаган, ярадорлар орасида энага ҳам бўлиши мумкин.