Жорий йилнинг 17-20 март кунлари Ўзбекистон ҳудуди бўйича қуруқ ва жуда илиқ об-ҳаво бўлиши кутилмоқда. Бу ҳақда Ўзгидромет хабар қилди.
Маълум қилинишича, ҳаво ҳарорати асосан кечалари +7...+12 даража илиқ, кундуз кунлари +22...+25 даража илиқ, баъзи жойларда +27....+30 даража илиққача бўлади.
Шамол шарқдан бироздан ўртача тезликкача эсади, баъзи жойларда 13-18 м/с гача кучайиши мумкин.
Тошкентда: ёғингарчилик кутилмайди. Шамол шарқдан 3-8 м/с тезликда эсади. Ҳарорат кечалари +9....+12 даража илиқ, кундуз кунлари +22....+27 даража илиқ бўлади.