Даниянинг "Қаттиқ курс" ултра-ўнг партияси етакчиси Расмус Палудан Швецияда ироқлик насроний Салван Момиканинг вафотидан сўнг бир неча кун ўтиб, ҳақоратли ҳаракатда Қуръони Карим нусхасини яна ёқиб юборди.
Швециянинг Афтонбладет газетасига кўра, Палудан ўзининг Х ижтимоий тармоғидаги аккаунтида Туркиянинг Копенгагендаги элчихонаси олдида Қуръонга қарши қилинган бу жирканч ҳаракат ҳақида очиқчасига хабар берган.
Видеода Расмус Палдун намойишни Момика хотирасига ҳурмат кўрсатиш учун ўтказилганини айтди.
Нашрнинг ёзишича, Дания полицияси аввалроқ, Момика вафотидан кейин ўз баёнотида бундай ҳаракатларини тақиқлаган бўлса-да, бу даниялик сиёсатчи Қуръонни яна ҳақоратлаган.
30 январь, пайшанба куни Швеция оммавий ахборот воситалари 2023 йилда норозилик намойишлари пайтида Қуръон нусхаларини ёқиб юборган Момиканинг ўлимини тасдиқлади.
Аввалроқ, ўтган йилнинг январь ойида Палудан Туркиянинг Швеция пойтахти Стокголмдаги элчихонаси олдида Қуръоннинг бир нусхасини ёқиб юбориб, уни таҳқирлаган эди.