Датчиклар Нукус, Андижон, Асaка, Хонобод, Бухоро, Когон, Жиззах, Қарши, Шаҳрисабз, Зарафшон, Навоий, Наманган, Самарқанд, Термиз, Гулистон, Олмалиқ, Ангрен, Ғазалкент, Пискент, Чирчиқ, Янгиёл, Қўқон, Фарғона, Урганч, Хива, Тошкент шаҳарларида ўрнатилган.
Келгусида Uzum датчиклар сонини кўпайтириш ва ўрнатиш географиясини кенгайтиришни режалаштирмоқда. Ҳар бир датчик томонидан тўпланган маълумотлар реал вақт режимида IQAir сайтида мавжуд.
«Бутун мамлакат бўйлаб инфратузилмани ривожлантириш орқали биз миллионлаб инсонларнинг маиший муаммоларини ҳал қилиш ва ўз бизнесини ривожлантиришда ёрдам бермоқдамиз. Энг муҳими, биз хайрия лойиҳалари, экологик ташаббусларни амалга ошириш учун платформа яратмоқдамиз, мамлакат келажагига ўз ҳиссамизни қўшмоқдамиз. Жамоа билан биргаликда бутун мамлакат бўйлаб дарахтлар экдик, пакетларимизни қайта ишлашни йўлга қўйдик ва 40 минг тоннадан ортиқ пластмасса материалларни утилизация қилиш учун топширдик. Ва, албатта, энг муҳими — атроф-муҳит мусаффолигини сақлаш учун инфратузилма ва ресурсларимизни беришга тайёрмиз», — деди Uzum Market бош директори Илшат Хаметов.
Баҳорда мамлакат бўйлаб Uzum миллий рақамли экотизими ходимлари ҳашарга чиқиб, мамлакатнинг 20 та шаҳрида дарахтлар экишди. Дарахтларнинг координаталари Экология вазирлигига маълумотларни “Яшил Макон” умуммиллий платформасига киритиш учун топширилди — шундай қилиб дарахтларнинг ҳолатини нафақат Узум ходимлари, балки муниципал хизматлар ҳам кузатиб бориши мумкин.
Аввалроқ Uzum миллий рақамли экотизими ва Ўзбекистон Гидрометеорология хизмати ҳаво сифати мониторинги соҳасида лойиҳаларни биргаликда амалга оширишга келишиб олган эди.
Реклама ҳуқуқи асосида