Маълум қилинишича, "Ҳудудий электр тармоқлари" АЖ томонидан янги "НЕТ BILLING" дастурий комплекси тўлиқ ишга туширилди.
Айни пайтда истеъмолчилар электр энергияси учун онлайн тўловларни амалга ошириш ҳамда шахсий ҳисоб рақамдаги мавжуд маълумотларни кузатиб боришлари мумкин.
Қайд этилишича, янгиланган тизим орқали истеъмолчилар бевосита ўзи истеъмол қилган электр энергияси ҳисоби, хусусан, тўлов маълумотлари, кунлик электр энергия истеъмоли ва бошқа ҳар қандай маълумотни онлайн тарзда кузатиб бориши имкони яратилди.
"Мазкур тизимни жорий этиш бир қанча техник жараёнларни ўз ичига олганлиги сабабли, тизимни босқичма-босқич ишга тушириш ишлари олиб борилди ва кутилганидан ортиқ вақт талаб қилди",- дейилади хабарда.