20 апрель куни бўлиб ўтган марафонларда 7 ёшдан 70 ёшгача бўлган 300 дан ортиқ киши, ногиронлиги бўлган югурувчилар ва скандинавча юришни яхши кўрувчилар иштирок этди. Шавкат Мусинов марафоннинг барча иштирокчиларига пиёдалар ўтиш жойи белгиси ва ёниб турадиган элементлар тасвирланган шоппер-сумкаларни топширди.
Ҳайдовчиларга пиёдаларга кўпроқ эътибор беришга ёрдам берадиган сумкалар GROSS компанияси томонидан Тошкент шаҳар ИИББ, Ўзбекистон Республикаси Ёшлар ишлари агентлиги, Uzum экотизими билан ҳамкорликда амалга оширилган Xavfsiz Harakat лойиҳаси учун махсус ишлаб чиқилган.
Мамлакат бўйлаб 76 та аҳоли пунктлари аҳолиси Uzum Market миллий маркетплейсида шопперларни сотиб олишлари мумкин.
Xavfsiz Harakat ижтимоий лойиҳасининг амбассадори сифатида Шавкат Мусинов Ўзбекистон аҳолиси учун хавфсиз ва қулай муҳит яратиш ҳамда барча – ҳаваскорлар, болалар, ногиронлар учун спорт билан шуғулланиш имкониятини яратиш тарафдоридир.
«Йўл ҳаракати хавфсизлиги – яшаш учун қулай муҳитнинг асосидир. Бизнинг суғурта компаниямизнинг вазифаси эса республикамиз аҳолиси келажакка ишонч билан қарашлари учун қўлимиздан келганини қилишдир. Xavfsiz Harakat лойиҳасини яратиш ғояси шундан келиб чиқди. Ташаббусимизни қўллаб-қувватлагани учун Тошкент шаҳар ИИББ ва ҳамкор компаниялардан миннатдормиз», – дейди GROSS суғурта компанияси бошқаруви раисининг ўринбосари Рустам Назаров ижтимоий лойиҳа ҳақида.
«Ўтган йилнинг кузида GROSS ва Тошкент шаҳар ИИББ ҳамкасбларимиз билан эшитиш қобилияти паст болалар учун бўлган мактабда шопперлар тарқатилишини ташкил қилдик ва йўл ҳаракати хавфсизлиги дарсини ўтказдик. Бизнинг мақсадимиз бутун мамлакат бўйлаб йўлларни болалар ва уларнинг ота-оналари учун хавфсизроқ қилишдир», – дейди Uzum Market бош директори Илшат Хаметов.
«Бугунги кунда йўл ҳаракати қоидаларига қатъий риоя қилиш ҳар бир инсоннинг муҳим вазифасига айланди. Шахсий масъулият ҳар қандай нохуш ҳодисаларнинг олдини олади. Ушбу жараёнда болаларнинг билимларини ошириш ва уларни йўл ҳаракати қоидалари билан таништириш жуда муҳимдир», – дейди Тошкент шаҳар ИИББ ЙҲХХ матбуот хизматининг бошлиғи подполковник Қаҳрамон Худойберганов.
Xavfsiz Harakat – бу автомобиль ҳайдаш маданиятини ошириш, хавфсиз пиёдалар ўтиш жойларини ташкил этиш ва барча йўл фойдаланувчилари томонидан қоидаларга риоя қилишни тарғиб қилувчи кенг кўламли ижтимоий лойиҳадир.
Реклама ҳуқуқи асосида