Бўстонлиқ туманида Trailblazer автомашинаси ағдарилиб кетганлиги акс этган видео ижтимоий тармоқларга сиздирилди. Ушбу ҳолат юзасидан Тошкент вилояти ИИББ ЙҲХБ Матбуот хизмати изоҳ берди.
Жорий йилнинг 21 апрель куни соат 17:00 атрофида Тошкент вилояти Бўстонлиқ тумани Сижжак қишлоғи яқинида жойлашган тоғли ҳудуднинг автомобиль учун мўлжалланмаган қисмида Trailblazer автомашинаси ағдарилиб кетди.
Аниқланишича, 1984 йилда туғилган ҳайдовчи бошқарувидаги Trailblazer автомашинаси ўзининг эҳтиётсизлиги ва йўлни торлигини инобатга олмаганлиги сабабли ағдарилиб кетган.
Ушбу ҳодиса натижасида ҳайдовчи туман марказий шифохонасига олиб борилиб, биринчи тез тиббий ёрдам кўрсатилган.
Ҳозирда ҳолат юзасидан Бўстонлиқ тумани ИИБ ЙҲХБ томонидан суриштирув ишлари олиб борилмоқда.