Тошкент шаҳрида фуқаролар ҳимоясини таъминлаш мақсадида жамоат жойларида хавфсизлик чоралари кучайтирилди. Бу ҳақда пойтахт ИИБ Матбуот хизмати хабар берди.
Ҳуқуқ-тартибот идоралари ходимлари савдо мажмуалари, кўнгилочар масканлар, бозорлар ва бошқа жамоат жойларида кучайтирилган режимда ишламоқда.
Жумладан, қуролланган ҳуқуқ-тартибот идоралари ходимлари жамоат жойларини қўриқлайди, ташриф буюрувчиларнинг сумкалари ва бошқа шахсий буюмлари синчиклаб текширилади.
Одамлар гавжум жойларда ҳам ҳидловчи итлар билан текширувлар ўтказилади.
