Грузиянинг Geo Sky авиакомпанияси Ўзбекистонга мунтазам парвозларни амалга ошириш учун рухсатнома олди. Бу ҳақда “Ўзавиация” агентлиги хабар бермоқда.
“Ўзавиация” агентлиги томонидан Ўзбекистон ва Грузия ўртасида ҳаво қатнови тўғрисидаги ҳукуматлараро Битим асосида 2024 йил 24 январь куни Geo Sky авиакомпаниясига Ўзбекистонга Тбилиси-Тошкент-Тбилиси йўналиши бўйича мунтазам авиақатновларни амалга ошириш учун Эксплуатацион рухсатнома расмийлаштириб берилди.
Авиакомпания парвозларни Boeing 737-300 русумли ҳаво кемаларида амалга оширади.
Авиакомпания сайтида хабар қилинганидек, 20 февралдан бошлаб Boeing 737-300 самолётларида парвозлар ҳафтасига икки марта: сешанба ва шанба кунлари амалга оширилади. .