Жорий йилнинг 15 июнь куни тахминан соат 12:00 атрофида Китоб тумани деҳқон бозори олдида туманни "Гулистон" МФЙда яшовчи Т.Й.га тегишли қўлбола усулда ясалган газли сув тайёрловчи аппарати сув сақлаш идишига кислородли баллондан кўп босим берилиши оқибатида, ёрилиб портлаш содир бўлган.
Ҳодиса оқибатида Китоб тумани ва Шаҳрисабз шаҳрида яшовчи 2 нафар фуқаро тан жароҳати олиб шифохонага ётқизилган. Бироқ шифокорлар томонидан кўрсатилган тиббий муолажаларга қарамасдан уй бекаси Д.А. вафот этган.
Ҳолат юзасидан Китоб туман ИИБ ҳузуридаги Тергов гуруҳи томонидан ЖКнинг 259-моддаси 2-қисми "а" банди асосида жиноят иши қўзғатилиб, дастлабки тергов ҳаракатлари олиб борилмоқда.