Қорақалпоғистонда ўлим билан боғлиқ аянчли ЙТҲ содир бўлди. Бу ҳақда UzNews.uz'га Қорақалпоғистон Республикаси ИИВ хабар берди.
Маълум қилинишича, 2023 йил 4 февраль куни 1998 йилда туғилган ҳайдовчи Қўнғирот туманида Nexia русумли автомашинани бошқариб кетаётган вақтида бошқарувни йўқотиб, қарама-қарши йўналишга чиқиб кетган. Натижада, Mersedes Benz русумли юк машинаси билан тўқнашиб кетган.
ЙТҲ оқибатида, Nexia ҳайдовчиси ва машина ичида бўлган 4 нафар йўловчилар — 1984, 1980, 1967 ва 1954 йилда туғилган йўловчилар тан жароҳати олиб вафот этган.
Мазкур ҳолат юзасидан ЖКнинг 266-моддаси 3-қисми "а" банди билан жиноят иши қўзғатилиб, тергов ҳаракатлари олиб борилмоқда.
