ФВВ Матбуот хизматининг хабар қилишича, кеча, 26 январь куни Тошкент вилояти Lacetti ҳайдовчиси Чиноз туманида йўлда ҳосил бўлган музлаб қолган кўлмак устидан ҳаракатланган. Натижада муз ёрилиб, автомашина ўша жойда қолиб кетган.
Шундан сўнг, ФВБга хабар берилганидан сўнг зудлик билан Чиноз тумани ФВ бўлими қутқарувчилари воқеа жойига етиб бориб, муз орасида қолиб кетган ҳайдовчи, унинг йўловчиси ҳамда автомашинасига махсус техникалар ёрдамида амалий ёрдам кўрсатган.
Ҳодиса оқибатида тан жароҳати олган ва ҳалок бўлганлар йўқ.